Chat tayo!

Naalala ko noong una kong punta sa isang internet café dito sa Dubai. Noong bago pa lang ako dito. Kasama ko ang kapatid ko noon. Maaga pa yon. Alas otso pa ng umaga. Kunti pa lang ang tao sa internet café.

May isang Pinoy na agaw pansin. Ang laki ng boses. Nakikipag-chat sa asawa niya. Parang pagmamay-ari niya ang café. Dinig na dinig namin ang usapan nilang mag-asawa. Si kabayan parang walang pakialam. Akala siguro niya hindi kami mga bisaya kaya hayon walang preno-preno ang bibig.

Ito ang usapan nila. Pasensya na, Bisaya ito pero subukan kung i-translate sa Tagalog.

Lalake : Unsa na? Nadawat na nimo ang kwarta?
(Kumusta na? Natanggap mo na ba ang pera?)

Babae : Oo uy. Unsa man to imong gipadala nga gamay raman kaayo?
(Opo. Bakit ang liit ng padala mo?)

Lalake : Kabalo ka bitaw nga gamay ra kaayo ko ug sweldo dre. Magbayad pa god ko sa balay. Librehon naman lang gani ko ug pagkaon ni Pareng Oscar.
(Alam mo naman ang liit ng sahod ko. Nagbabayad pa ako sa bahay. Nililibre na nga lang ako ni Pareng Oscar sa pagkain.)

Babae : Kinsa ba na si Oscar?
(Sino ba yan si Oscar?)

Lalake : Bag-o nako nga kaila. Taga Cebu gihapon. Taga Carcar.
(Bago kong kakilala. Taga Cebu din. Taga Carcar)

Babae : Daghan na diay kag amigo diha. Maau para dili ka kaayo ma-homesick.
(Marami kana palang kaibigan diyan. Mabuti para hindi ka masyadong ma-homesick.)

Lalake : Mao pud lage. Buotan man si Pareng Oscar.
(Oo nga. Mabait si Pareng Oscar.)

Babae : Taympa, unsa manang niturok sa imong ngabil?
(Teka, ano yang nasa labi mo?)

Lalake : Hain god?
(Alin dito?)

Babae : Kana gong nibotoy?
(Yang tumubo.)

Lalake : Ambot oi ug unsa ni.
(Ewan ko kung ano to.)

Babae : Pagtog-an ra god sa tinuod Perio! Namabae ka diha ba? STD na!
(Magsabi ka nang totoo Perio! Nambabae ka dyan? STD yan!)

Lalake : Paghilom ra god diha! Nitokar napud nang imong pagkaselosan da!
(Tumigil ka nga! Umandar na naman yang pagkaselosa mo!)

Babae : Kay ngano dokerok ka baya!
(Bakit? Di ka naman mapagkatiwalaan diba?)

Lalake : Kaw no wala ka gyod gasalig nako. Wala na man gani koy kwarta unya mamabae pa ko?
(Alam mo wala ka talagang tiwala sa akin. Wala na nga akong pera dito mambabae pa kaya?)

Babae : Nakadungog ra ba ko nga uso kaayo na diha sa Dubai.
(Naririnig ko usung-uso yan diyan.)

Lalake : Naunsa kana man tawon Bebe oy. Kabalo ka ba nga mag-rosaryo ko tulo sa isa ka adlaw para lang dili matental dire?
(Ano bang nangyari sayo Bebe? Alam mo bang nagro-rosaryo ako tatlong beses isang araw para lang hindi ako matukso dito?)

Babae : Ayaw god pagsinggit diha. Pakaulaw ka raman diha sa mga tao.
(Huwag ka ngang sumigaw. Mahiya ka naman sa mga tao diyan.)

Lalake : Wala na silay labot. Dili bitaw na sila makasabot ug bisaya.
(Wala silang pakialam. Di naman sila nakakaintindi ng bisaya.)

-end-

Saludo ako sa pananalig ni kabayan. Sana hanggang ngayon patuloy pa rin siya sa kanyang pag-rosaryo. Ikaw, ano ang ginagawa mo para maiwasan ang tukso?

“You may be deceived if you trust too much, but you will live in torment if you don’t trust enough” – Frank Crane